दत्तात्रेय अवधूताचे २४ गुरु

दत्तात्रेय अवधूताचे २४ गुरु ही ह्या विश्वातील २४ तत्त्वे आहेत. ह्या महाविष्णूची, परमशिवाची, सद्गुरुतत्त्वाची कृपा मनुष्याला प्राप्त करून देणारे २४ चॅनेल्स आहेत. ह्या 'धन्य धन्य प्रदक्षिणे' मध्ये आपण ह्या २४ गुरुतत्त्वांच्या प्रतीकांची प्रदक्षिणा, त्यांचे पूजन, निदिध्यासन केले व त्याच्यामुळेच ही २४ गुरुतत्त्वे २४ प्रक्रिया करून आपल्या २४ चॅनेल्सचे रुपांतर आपले जीवन सुखमय, आनंदमय बनवण्यासाठी रोगप्रतिबंधक लसीमध्ये करणार होती.

चॅनेल म्हणजे एक गोष्ट एका बिंदूपासून दुसऱ्या बिंदूपर्यंत पोहोचवण्याचा सर्वात safe (सुरक्षित) मार्ग. चॅनेल म्हणजे माहिती, साधनसामग्री व रसद निर्घोरपणे व निश्चितपणे जाण्याचा मार्ग अथवा कुठलीही प्रक्रिया 'अथ'पासून 'इति'पर्यंत पूर्ण होण्यासाठी क्रमाने होणाऱ्या प्रक्रिया अथवा माध्यम.

अवधूतांच्या प्रत्येक गुरूंचे स्वभावधर्म काय व त्यातून ’ग्राह्य’ म्हणजे घेण्यासारखे काय व ’त्याज्य’ म्हणजे टाकून देण्यासारखे काय, गुरुंच्या पूजनाने मनुष्याने काय घ्यायचे व काय टाकायचे ते शिकणे, त्याची उपासना करणे म्हणजेच नियतिचक्रपरिवर्तन प्रदक्षिणा.

स्वभावधर्म  - त्या त्या गुरुचा स्वभावधर्म
ग्राह्य         -  घेण्याचे गुण

त्याज्य     -  टाकण्याचे गुण

ग्राह्य व त्याज्य ह्यांच्यात फक्त दिशेचा फरक आहे. प्रत्येक स्वभावधर्माची उचित दिशा म्हणजे गुणग्राहकाता अर्थात ग्राह्य गुण, तर  

प्रत्येक स्वभावधर्माची अनुचित दिशा म्हणजे दोष अर्थात त्याज्य गुण.